وَمِنْ ءَايَـٰتِهِۦٓ أَن تَقُومَ ٱلسَّمَآءُ وَٱلْأَرْضُ بِأَمْرِهِۦۚ ثُمَّ إِذَا دَعَاكُمْ دَعْوَةً مِّنَ ٱلْأَرْضِ إِذَآ أَنتُمْ تَخْرُجُونَ

اور اُس کی نشانیوں میں سے یہ ہے کہ آسمان اور زمین اس کے حکم سے قائم ہیں¹ پھر جونہی کہ اُس نے تمہیں زمین سے پکارا، بس ایک ہی پکار میں اچانک تم نکل آؤ گے²

2	یعنی کائنات کےخالق ومدبرکےلیے تمہیں دوبارہ زندہ کرکے اٹھاناکوئی ایسا بڑاکام نہیں ہے کہ اُسےاِس کےلیے بہت بڑی تیاریاں کرنی ہوں گی،بلکہ اس کی صرف ایک پکاراِس کےلیے بالکل کافی ہوگی کہ آغازِآفرینش سےآج تک جتنےانسان دنیامیں پیداہوئےہیں اورآئندہ پیدا ہوں گےوہ سب ایک ساتھ زمین کے ہرگوشے سےنِکل کھڑے ہوں۔

1	یعنی صرف یہی نہیں کہ وہ اُس کےحکم سے ایک دفعہ وجود میں آگئےہیں،بلکہ ان کامسلسل قائم رہنا اوران کےاندرایک عظیم الشان کارگاہِ ہستی کاپہیم چلتےرہنابھی اسی کےحکم کی بدولت ہے۔ایک لمحہ کےلیےبھی اگراس کاحکم انہیں برقرار نہ رکھے تویہ سارانظام یک لخت درہم برہم ہوجائے۔