وَمَن يَرْغَبُ عَن مِّلَّةِ إِبْرَٲهِــۧمَ إِلَّا مَن سَفِهَ نَفْسَهُۥۚ وَلَقَدِ ٱصْطَفَيْنَـٰهُ فِى ٱلدُّنْيَاۖ وَإِنَّهُۥ فِى ٱلْأَخِرَةِ لَمِنَ ٱلصَّـٰلِحِينَ

اب کون ہے، جو ابراہیمؑ کے طریقے سے نفرت کرے؟ جس نے خود اپنے آپ کو حماقت و جہالت میں مبتلا کر لیا ہو، اس کے سو ا کون یہ حرکت کرسکتا ہے؟ ابراہیمؑ تو وہ شخص ہے، جس کو ہم نے دنیا میں اپنے کام کے لیے چُن لیا تھا اور آخرت میں اس کا شمار صالحین میں ہوگا

وَءَاتَيْنَـٰهُ فِى ٱلدُّنْيَا حَسَنَةًۖ وَإِنَّهُۥ فِى ٱلْأَخِرَةِ لَمِنَ ٱلصَّـٰلِحِينَ

دنیا میں اس کو بھلائی دی اور آخرت میں وہ یقیناً صالحین میں سے ہوگا

وَوَهَبْنَا لَهُۥٓ إِسْحَـٰقَ وَيَعْقُوبَ وَجَعَلْنَا فِى ذُرِّيَّتِهِ ٱلنُّبُوَّةَ وَٱلْكِتَـٰبَ وَءَاتَيْنَـٰهُ أَجْرَهُۥ فِى ٱلدُّنْيَاۖ وَإِنَّهُۥ فِى ٱلْأَخِرَةِ لَمِنَ ٱلصَّـٰلِحِينَ

اور ہم نے اسے اسحاقؑ اور یعقوبؑ (جیسی اولاد) عنایت فرمائی¹ اور اس کی نسل میں نبوت اور کتاب رکھ دی²، اور اسے دنیا میں اُس کا اجر عطا کیا اور آخرت میں وہ یقیناً صالحین میں سے ہو گا³

3

مقصود بیان یہ ہےکہ بابِل کےوہ حکمراں اورپنڈت اورپرہت جنہوں نے ابراہیمؑ کی دعوت کونیچادکھانا چاہاتھا،اوراس کےوہ مشرک باشندے جنہوں نےآنکھیں بند کرکےان ظالموں کی پیروی کی تھی،وہ تودنیاسےمٹ گئےاورایسےمٹے کہ آج دنیامیں کہیں ان کانام ونشان تک باقی نہیں۔مگروہ شخص جسےاللہ کاکلمہ بلندکرنےکےجرم میں ان لوگوں نےجلاکرخاک کردینا چاہاتھا،اورجسےآخرکاربےسروسامانی کےعالم میں وطن سے نِکل جاناپڑاتھا،اس کواللہ تعالٰی نے یہ سرفرازی عطافرمائی کہ چارہزاربرس سےدنیامیں اس کانام روشن ہےاورقیامت تک رہےگا۔دنیا کےتمام مسلمان،عیسائی اوریہودی اُس خلیلِ ربّ العالمین کوبالاتفاق اپناپیشوامانتے ہیں۔دنیا کوان چالیس صدیوں میں جوکچھ بھی ہدایت کی روشنی میسرآئی ہےاسی ایک انسان اوراس کی پاکیزہ اولاد کی بدولت میسّرآئی ہے۔آخرت میں جواجرعظیم اس کو ملےگاوہ توملےگاہی،مگراِس دنیامیں بھی اس نے وہ عزّت پائی جوحصُولِ دنیاکےپیچھےجان کھپانے والوں میں سےکسی کوآج تک نصیب نہیں ہوئی۔

2	اس میں وہ تمام انبیاءآگئے جونسلِ ابراہیمی کی سب شاخوں میں مبعوث ہوئےہیں۔

1

حضرت اسحاقؑ بیٹے تھےاورحضرت یعقوبؑ پوتے۔یہاں حضرت ابراہیمؑ کےدوسرےبیٹوں کاذکراس لیےنہیں کیاگیا ہےکہ اولادِابراہیمؑ کی مدیافی شاخ میں صرف حضرت شعیبؑ مبعوث ہوئے،اوراسماعیلی شاخ میں سرکاررسالت مآب محمدصلی اللہ علیہ وسلم تک ڈھائی ہزارسال کی مدت میں کوئی نبی نہیں آیا۔اس کےبرعکس نبوت اورکتاب کی نعمت حضرت عیسٰی علیہ السلام تک مسلسل اُس شاخ کوعطا ہوتی رہی جوحضرت اسحاق علیہ السلام سےچلی تھی۔